काठमाडौं । आर्थिक वर्ष २०८० /८१ को भदौ महिनासम्ममा दुई माइक्रो लाइफ इन्स्योरेन्स कम्पनीहरुले १३ लाख ४५ हजार रुपैयाँ कुल बीमा शुल्क आर्जन गरेका छन् । नेपाल बीमा प्राधिकरणको तथ्याङक अनुसार गार्डियन माइक्रो लाइफले भदौ महिनासम्ममा ९८३ वटा बीमा पोलिसी विक्री गरी १० लाख ३७ हजार रुपैयाँ कुल बीमा शुल्क आर्जन गरेको छ । यस कम्पनीले असार २२ गते कोशी प्रदेशको विराटनगर ७ मोरङमा केन्द्रिय कार्यालय विस्तार गरी व्यवसाय संचालन गर्दै आइरहेको छ । कम्पनी भदौ महिनामा मात्रै ५०१ वटा बीमा पोलिसी विक्री गरी ६ लाख रुपैयाँ कुल बीमा शुल्क आर्जन गरेको छ ।
त्यस्तै, क्रेष्ट माइक्रो लाइफ इन्स्योरेन्स कम्पनीले यस अवधिसम्ममा ३६१ वटा बीमा पोलिसी विक्री गरी ३ लाख ७ हजार रुपैयाँ कुल बीमा शुल्क आर्जन गर्न सफल भएको छ । कम्पनीले गत साउन १० गतेदेखि कणाली प्रदेशको विरेन्द्रनगर केन्द्रीय कार्यालय विस्तार गरी व्यवसाय गर्दै आइरहेको छ । कम्पनीले भदौ महिनामा मात्रै १५० वटा बीमा पोलिसी विक्री गरी १ लाख ६३ हजार कुल बीमा शुल्क आर्जन गर्न सफल भएको छ ।
