काठमाडौं । आर्थिक वर्ष २०७९/ ८० को लाभांश घोषणाको तयारीमा रहेको नबिल बैंकले आफ्ना शेयरधनीहरुलाई प्रत्येक वर्ष आकर्षक लाभांश दिंदै आएको छ। बैंकले १२ वर्षको अवधिमा कूल ५२१ दशमलव १०२ प्रतिशत लाभांश वितरण गरेको छ । कम्पनीको १२ वर्षको लाभांश इतिहास हेर्दा यस्तो देखिएको हो । कम्पनीले यस १२ वर्षको अवधिमा नगद लाभांशलाई भन्दा बोनश शेयरलाई नै प्राथमिकता दिएको छ । कम्पनीले यस अवधिमा २६४ दशमलव ६ प्रतिशत बोनश शेयर वितरण गरेको छ भने २५६ दशमलव ५०२ प्रतिशत नगद लाभांश वितण गरेको हो ।
बैंकले २०६८ सालदेखि आफ्ना शेयरधनीहरुलाई हात खाली बनाएको छैन् । बैंकले २०६८ सालदेखि रेगुलर २०७९ सालसम्म लाभांश वितरण गरेको छ । यस आर्थिक वर्षमा भने कम्पनीले लाभांश घोषणामा केही ढिलाई गरेको हो ।
कम्पनीले २०६७ /२०६८ मा कुल ३० प्रतिशत लाभांश वितरण गरेको थियो । जसमध्ये कम्पनीले कूल ३० प्रतिशत नै नगद लाभांश वितरण गरेको थियो । २०६८ /६९ मा कम्पनीले कुल ६० प्रतिशत लाभांश वितरण गरेको थियो । जसमा बैंकले ४० प्रतिशत नगद लाभांश वितरण गरेको हो भने २० प्रतिशत बोनश शेयर वितरण गरेको हो ।
त्यस्तै, बैंकले २०६९ /७० मा कुल ६५ प्रतिशत लाभांश वितरण गरेको थियो । जसमध्ये बैंकले २५ प्रतिशत बोनश शेयर र ४० प्रतिशत नगद लाभांश वितरण गरेको थियो । २०७०/ ७१ मा बैंकले ६५ प्रतिशत नै लाभांश वितरण गरेको थियो । जसमध्ये बैंकले २० प्रतिशत बोनश शेयर र ४५ प्रतिशत नगद लाभांश वितरण गरेको थियो । २०७१/ ७२ मा बैंकले कुल ३६ दशमलव ८४२ प्रतिशत लाभांश दिएको थियो । त्यस वर्ष बैंकले ३० प्रतिशत बोनश र ६ दशलमव ८४२ प्रतिशत नगद लाभांश दिएको थियो ।
आर्थिक वर्ष २०७२ /७३ मा बैंकले कुल ४५ प्रतिशत लाभांश वितरण गरेको थियो । सोमध्ये बैंकले ३० प्रतिशत बोनश र १५ प्रतिशत नगद लाभांश दिएको थियो । २०७३/ ७४ मा बैंकले कुल ४८ प्रतिशत लाभांश दिएको थियो । जसमध्ये बैंकले ३० प्रतिशत बोनश र १८ प्रतिशत नगद लाभांश दिएको थियो ।
त्यसैगरी बैंकले आर्थिक वर्ष २०७४/ ७५ मा ३४ प्रतिशत लाभांश दिएको थियो । जसमध्ये बैंकले १२ प्रतिशत बोनश शेयर र २२ प्रतिशत नगद लाभांश दिएको थियो । बैंकले आर्थिक वर्ष २०७५ /७६ मा ३४ प्रतिशत लाभांश दिएको थियो । जसमध्ये बैंकले १२ प्रतिशत बोनश शेयर र २२ प्रतिशत नगद लाभांश दिएको थियो । आर्थिक वर्ष २०७६/ ७७ मा कुल ३५ दशलमव ३६ प्रतिशत लाभांश दिएको थियो । जसमध्ये बैंकले ३३ दशलमव ५ प्रतिशत बोनश शेयर दिएको थियो भने १ दशमलव ७६ प्रतिशत नगद लाभांश दिएको थियो ।
त्यस्तै, बैंकले आर्थिक वर्ष २०७७ /७८ मा कुल ३८ प्रतिशत लाभांश दिएको थियो । जसमध्ये ३३ दशमलव ६ प्रतिशत बोनश शेयर वितरण गरेको थियो भने ४ दशलमव ४ प्रतिशत नगद लाभांश दिएको थियो । २०७८/ ७९ मा बैंकले कुल ३० प्रतिशत लाभांश वितरण गरेको थियो । जसमध्ये बैंकले १८ दशलमव ५ प्रतिशत बोनश र ११ दशमलव ५ प्रतिशत नगद लाभांश वितरण गरेको थियो ।
