काठमाडौं । माण्डु हाइड्रोपावरको आइपीओ बाँडफाँड सम्पन्न भएको छ । नेप्सेले कम्पनीलाई पहिलो शेयर कारोबारका लागि न्युनतम प्रतिकित्ता १२४ रुपैयाँ ४२ पैसा देखि अधिकतम ३७३ रुपैयाँ २६ पैसासम्म रेञ्ज दिने सम्भावना देखिएको छ ।
पहिलो कारोवारको लागि कम्पनीले वास्तविक किताबी मूल्य देखि किताबी मूल्यको तीन गुणासम्म रेञ्ज पाउने गर्छन् । कम्पनीको आर्थिक वर्ष २०७८/७९ को वास्तविक नेट्वर्थको आधारमा रेञ्ज पाउने सम्भावना छ । स्पेसल प्री ओपनिङ सेशनमा सो रेञ्ज भित्र पहिलो कारोवार हुनुपर्छ । त्यसपछि मात्र कम्पनीको नियमित समयमा शेयर कारोवार शुरू हुन्छ ।
सर्वसाधारण तर्फबाट कम्पनीको आइपीओमा १ लाख २० हजार ५३२ आवेदकले १० कित्ताका दरले शेयर पाएका छन् । कम्पनीले एक सय रुपैयाँ अंकित मूल्यमा १०६ रुपैयाँ प्रिमियम थप गरी प्रति कित्ता २०६ रुपैयाँमा आइपीओ निष्काशन गरेको थियो ।
