काठमाडाैं । नेरुडे लघुवित्त वित्तीय संस्था लिमिटेडले प्रदेश कार्यालय बुटवल अन्तर्गत रहेका २५ जना कार्यालय प्रमुख तथा निरिक्षण अधिकृतहरुलाई सम्पत्ति शुद्दीकरण तथा आतङ्कवादी क्रियाकलापमा वित्तीय लगानी निवारण सम्बन्धी १ दिने तालिम शुक्रवार भैरहवामा सम्पन्न गरेको छ । संस्थाले नेशनल बैकिङ्ग इन्ष्टिच्यूट (एनविआइ) सँगको सहकार्यमा उक्त तालिम सम्पन्न गरेको हो ।
त्यसैगरी शनिवार उक्त प्रदेश कार्यालय अन्तर्गतकै ३० जना फिल्ड कर्मचारीहरुलाई १ दिने प्रभावकारी फिल्ड व्यवस्थापन तालिम सम्पन्न गरेको छ । कार्यक्रममा हाल लघुवित्त क्षेत्रमा देखिएका समस्या समाधानका संभावित उपायहरु, नियामक निकायहरुबाट भएका नीति नियमहरु लगायत समग्र फिल्ड व्यवस्थापन सम्बन्धमा तालिम संचालन गरिएको थियो । उक्त तालिममा संस्थाका नायव महाप्रबन्धक भागनारायण साहु, जनशक्ति व्यवस्थापन विभागका प्रमुख ऋषि प्रसाद न्यौपाने र योजना विभागका प्रमुख कृष्ण बहादुर खड्काले सहजीकरण गरेका थिए ।
