काठमाडौं । चालु आर्थिक वर्षको पहिलो महिना अर्थात् साउन महिनामा नेपालमा विदेशबाट ६२ करोड १० लाख मूल्य बराबरको स्याऊ नेपाली बजारमा आएको छ । परिमाणमा हेर्दा नेपालले ५९ लाख १४ हजार ७७१ केजी स्याऊ आयात गरेको हो ।
भन्सार विभागको तथ्यांक अनुसार नेपालले साउन महिनामा तीन देशबाट स्याऊ आयात गरेको छ । चीन, भारत र न्युजिल्याण्डबाट नेपालमा स्याऊ आएको हो । चीनबाट नेपालले सर्वाधिक ४७ करोड ६५ लाखको आयात गर्दा भारतबाट १४ करोडको आयात गरेको छ । त्यस्तै न्युजिल्याण्डबाट पनि ४४ लाख ३४ हजार बराबरको स्याऊ नेपाल आएको छ ।
