काठमाडौं । रिलायबल नेपाल लाइफ इन्स्योरेन्स कम्पनीले आर्थिक वर्ष २०७९/ ८०को चौथो त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार खुद बीमा शुल्कमा सामान्य गिराट आएपनि अधिकांश सूचकमा उत्साहजनक प्रगति देखिएको छ । नाफामा लाइफ इन्स्योरेन्स कम्पनीहरुको नाफा एक्चुअरी भ्यालुएशनपछि बास्तविक नाफा आउनेछ
२ अर्ब ८० करोड रुपैयाँ चुक्ता पूँजी भएको कम्पनीको जगेडा कोषमा १ अर्ब ४७ करोड ९९ लाख रुपैयाँ संचिती रहेको छ । अघिल्लो आर्थिक वर्षको सोही अवधिमा कम्पनीको जगेडा कोषमा १ अर्ब ९ करोड ९ लाख रुपैयाँ संचिती थियो । अघिल्लो वर्षको तुलनामा कम्पनीको जगेडा कोषमा संचिती रकम बढेको हो ।
समिक्षा अवधिमा कम्पनीको जीवन बीमा कोषको आकार ६ अर्ब ६३ करोड ४८ लाख रुपैयाँ पुगेको छ । अघिल्लो वर्षको यसै अवधिमा कम्पनीको बीमा कोष ४ अर्ब ६० करोड ४९ लाख थियो । अघिल्लो आर्थिक वर्षको सोही अवधिको तुलनामा बीमा कोष ४४ प्रतिशतले बढेको हो । कम्पनीको महा विपत्ती कोषमा १५ करोड ५ लाख संचिती छ ।
यस अवधिमा कम्पनीले ४३ करोड २२ लाख रुपैयाँ खुद नाफा आर्जन गरेको छ । अघिल्लो वर्षको सोही अवधिमा कम्पनीले २७ करोड ४८ लाख नाफा आर्जन गरेको थियो । अघिल्लो वर्षको तुलनामा कम्पनीको नाफा ५७ प्रतिशतले बढेको हो ।
समिक्षा अवधिमा कम्पनीले ३ अर्ब ४७ करोड ८९ लाख रुपैयाँ खुद बीमा शुल्क आर्जन गरेको छ । अघिल्लो वर्षको यसै अवधिमा कम्पनीले ३ अर्ब ७७ करोड १ लाख रुपैयाँ खुद बीमा शुल्क आर्जन गरेको थियो । अघिल्लो वर्षको सोही अवधिको तुलनामा कम्पनीको खुद बीमा शुल्क आर्जन ७ प्रतिशतले घटेको हो ।
यस अवधिमा कम्पनीले १ अर्ब ११ करोड ९७ लाख रुपैयाँ खुद दाबी भुक्तानी गरेको छ । अघिल्लो वर्षको यसै अवधिमा कम्पनीले ७१ करोड ७७ लाख दाबी तिरेको थियो । अघिल्लो वर्षको तुलनामा कम्पनीले ५६ प्रतिशत बढी दाबी तिरेको हो । भुक्तानी हुन बाँकी दाबी ८८ करोड १८ लाख रुपैयाँ रहेको छ ।
यस अवधिमा कम्पनीको प्रति शेयर आम्दानी १५ रुपैयाँ ४४ पैसा रहेको छ । प्रति शेयर नेटवर्थ १५८ रुपैयाँ २३ पैसा रहेको छ ।
