काठमाडौं । नेको इन्स्योरेन्सले आर्थिक बर्ष २०७९/८० को चौथो त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको खुद नाफामा सामान्य बृद्धि देखिएको छ भने खुद बीमा शुल्क र खुद दाबी घटेको छ ।
२ अर्ब १ करोड रुपैयाँ चुक्ता पूँजी भएको कम्पनीको जगेडा कोषमा ४९ करोड १३ लाख रुपैयाँ संचिती रहेको छ । अघिल्लो आर्थिक वर्षको सोही अवधिमा ५० करोड ४९ लाख रुपैयाँ थियो । अघिल्लो वर्षको तुलनामा कम्पनीको जगेडा कोषमा संचिती घटेको छ ।
समिक्षा अवधिमा कम्पनीको बीमा कोष १ अर्ब ६३ करोड रुपैयाँ रहेको छ । अघिल्लो वर्षको यसै अवधिमा १ अर्ब ३५ करोड थियो । अघिल्लो बर्षको तुलनामा कम्पनीको जीवन बीमा कोषको आकार बढेको हो ।
समिक्षा अवधिमा कम्पनीले ५५ करोड ३१ लाख खुद नाफा आर्जन गरेको छ । अघिल्लो आर्थिक वर्षको सोही अवधिमा कम्पनीले ५४ करोड ४८ लाख नाफा गरेको यिो । अघिल्लो वर्षको तुलनामा कम्पनीको नाफामा सामान्य बृद्धि भएको हो ।
समिक्षा अवधिमा कम्पनीले १ अर्ब ६५ करोड ९७ लाख रुपैयाँ खुद बीमा शुल्क आर्जन गरेको छ । अघिल्लो वर्षको यसै अवधिमा कम्पनील १ अर्ब ७२ करोड ९३ लाख रुपैयाँ खुद बीमा शुल्क आर्जन गरेको थियो । अघिल्लो वर्षको सोही अवधिको तुलनामा कम्पनीको खुद बीमा शुल्कमा गिरावट आएको हो ।
यस अवधिमा कम्पनीले ८७ करोड १४ लाख खुद दाबी भुक्तानी गरेको छ । अघिल्लो वर्षको यसै अवधिमा ८७ करोड २६ लाख गरेको थियो । अघिल्लो वर्षको तुलनामा कम्पनीले यस अवधिमा सामान्य कम दाबी तिरेको हो ।
समिक्षा अवधिमा कम्पनीको प्रति शेयर आम्दानी २७ रुपैयाँ ४९ पैसा रहेको छ । प्रति शेयर नेटवर्थ २७९ रुपैयाँ १० पैसा रहेको छ । पिइ अनुपात ३२.४२ गुणा रहेको छ ।
