काठमाडौं । हिजो सामान्य अंकले घटेको शेयर बजार आज भारी अंकले घटेर बन्द भएको छ । आज शेयर बजार नेप्से परिसूचक ३१ दशमलव ८० अंकले घटेर २,०४५ दशमलव ४४ को विन्दुमा कायम भएको छ । आज २० कम्पनीको शेयर मुल्य बढेको छ भने २०१ कम्पनीको शेयर मुल्य घटेको छ ।
आज दिनभरिमा २७८ कम्पनीको ५६ लाख ३ हजार १७९ कित्ता शेयर किनबेच हुँदा २ अर्ब १५ करोड ७३ लाख रुपैयाँको शेयर कारोबार भएको छ । आज सबैभन्दा धेरै हिमालयन डिष्टिलरीको शेयर कारोबार भएको छ । आज कम्पनीको २० करोड ५५ लाख रुपैयाँको शेयर कारोबार भएको छ । शिवम् सिमेन्टको १८ करोड ५ लाख रुपैयाँको शेयर कारोबार भएको छ । सोल्टी होटलको ७ करोड ६२ लाख रुपैयाँको शेयर कारोबार भएको छ ।
आज सबैभन्दा धेरै इमर्जिङ नेपालका लगानीकर्ताले कमाएका छन् । आज यस कम्पनीकर्ताले ५ दशमलव १८ प्रतिशतका दरले कमाएका छन् । नेपाल बैंक डिबेञ्चरका इकाईधनीले ३ दशलमव ८७ प्रतिशतका दरले कमाएका हुन् । सिक्लेस हाइड्रोपावर कम्पनीका लगानीकर्ताले ३ दशमलव ८५ प्रतिशतका दरले कमाएका हुन् । नविल ग्रोथ फण्डका इकाईधनीले २ प्रतिशतका दरले कमाएका छन् ।
आज सबैभन्दा धेरै हिमालयन डिष्टिलरीका लगानीकर्ताले गुमाएका छन् । आज यसका लगानीकर्ताले ७ दशलमव ६९ प्रतिशतका दरले गुमाएका हुन् । थ्रि स्टार हाइड्रोपावरका लगानीकर्ताले ६ प्रशिततका दरले गुमाएका हुन् ।
