काठमाडौं । एशियन लाइफ इन्स्योरेन्स कम्पनीले आर्थिक बर्ष २०७९ /८० को चौथो त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको खुद नाफा १६ प्रतिशतले घटेको छ भने अधिकांश सूचकमा बृद्धि भएको देखिएको छ ।
३ अर्ब १५ करोड रुपैयाँ चुक्ता पूँजी भएको कम्पनीको जगेडा कोषमा २९ करोड १३ लाख रुपैयाँ संचिती रहेको छ । अघिल्लो आर्थिक वर्षको सोही अवधिमा ६९ करोड रुपैयाँ थियो । समिक्षा अवधिमा कम्पनीको जीवन बीमा कोषमा ३६ अर्ब ९० करोड ५५ लाख रुपैयाँ रहेको छ । अघिल्लो वर्षको यसै अवधिमा ३१ अर्ब थियो । अघिल्लो बर्षको तुलनामा कम्पनीको जीवन बीमा कोषको आकार बढेको हो ।
समिक्षा अवधिमा कम्पनीले २४ करोडमाथि खुद नाफा आर्जन गरेको छ । अघिल्लो आर्थिक वर्षको सोही अवधिमा कम्पनीले २९ करोड १५ लाख ६४ हजार नाफा गरेको यिो । अघिल्लो वर्षको तुलनामा कम्पनीको नाफामा गिरावट आएको हो । एक्चुरी भ्यलुएशन पछि बीमा कम्पनीको वास्तविक नाफा आउने छ।
समिक्षा अवधिमा कम्पनीले ६ अर्ब ८४ करोड २ लाख रुपैयाँ खुद बीमा शुल्क आर्जन गरेको छ । अघिल्लो वषृको यसै अवधिमा कम्पनीले ६ अर्ब ८३ करोड ३५ लाख रुपैयाँ खुद बीमा शुल्क आर्जन गरेको थियो । अघिल्लो वर्षको तुलनामा कम्पनीको खुद बीमा शुल्कमा सामान्य बृद्धि हो ।
यस अवधिमा कम्पनीले २ अर्ब ८५ करोड खुद दाबी भुक्तानी गरेको छ । अघिल्लो वर्षको यसै अवधिमा १ अर्ब ५७ करोड गरेको थियो । अघिल्लो वर्षको तुलनामा कम्पनीले यस अवधिमा बढी दाबी तिरेको छ ।
समिक्षा अवधिमा कम्पनीको प्रति शेयर आम्दानी ६ रुपैयाँ ६१ रुपैयाँ रहेको छ । प्रति शेयर नेटवर्थ ११४ रुपैयाँ ८२ पैसा रहेको छ ।
