काठमाडौं । आज भने शेयर बजारमा हरियाली देखिएको छ । आइतबार अर्थात साताको पहिलो दिनदेखि नै लगातार घटेको बजारमा आज दोहोरो अंकले बढेर बजार बन्द भएको छ । आज नेप्से परिसूचक ४१ दशमलव ०६ अंकले बढेर २,०६० दशमलव ९१ को विन्दुमा कायम भएको छ । आज २ सय कम्पनीको शेयर मुल्य बढेको छ भने १८ कम्पनीको मात्रै शेयर मुल्य घटेको छ ।
आज दिनभरिमा २६५ कम्पनीको ५० लाख १० हजार ७१६ कित्ता शेयर किनबेच हुँदा १ अर्ब ८८ करोड ८३ लाख रुपैयाँको शेयर कारोबार भएको छ । आज सबैभन्दा धेरै आइएमई लाइफ कै शेयर कारोबार भएको छ । आज कम्पनीको १५ करोड ५० लाख रुपैयाँको शेयर कारोबार भएको छ । आज कम्पनकिो शेयर मुल्य ५९७ रुपैयाँ रहेको छ ।
त्यस्तै, शिवम् सिमेन्टको ८ करोड ४७ लाख रुपैयाँको शेयर कारोबार भएको छ । नेपाल रिपब्लिक मिडियाको ७ करोड ५५ लाख रुपैयाँको शेयर कारोबार भएको छ । हिमालयन लाइफको ५ करोड ३८ लाख रुपैयाँको शेयर कारोबार भएको छ ।
आज सबैभन्दा धेरै हिमालयन लघुवित्त वित्तीय संस्थाका लगानीकर्ताले कमाएका छन् । आज यस कम्पनीक ालगानीकर्ताले ९ दशमलव ८३ प्रतिशतका दरले कमाएका हुन् । सुपरमादी हाइड्रोका लगानीकर्ताले ९ दशमलव ७५ प्रशिततका दरले कमाएका छन् । मनकामना स्मार्ट लघुवित्तका लगानीकर्ताले ९ दशमलव ५७ प्रतिशतका दरले कमाएका छन् ।
आज सबैभन्दा धेरै सेञ्चुरी डिबेञ्चरका इकाईधनीले गुमाएका छन् । आज यसका इकाईधनीले ९ दशमलव ९९ प्रतिशतका दरले गुमाएका हुन् ।
