काठमाडौं । एभरेष्ट बैंकले गत आर्थिक वर्षको चौथो त्रैमासिक वित्तीय विवरणको आधारमा सबैभन्दा धेरै प्रति शेयर वितरणयोग्य मुनाफा ( लाभांश क्षमता) कायम गर्न सफल भएको छ । एभरेष्ट बैंकको लाभांश क्षमता ४० रुपैयाँ ५० पैसा रहेको छ ।
कम्पनीको बजार मूल्यलाई प्रति शेयर वितरणयोग्य नाफाले भाग गर्दा मूल्य र लाभांश क्षमताको अनुपात आउँछ । मूल्य आम्दानी अनुपात जस्तै कम भएको “अण्डरभ्यालुड” मानिन्छ ।
नेप्सेमा हाल कारोबारमा देखिएका १८ वाणिज्य बैंकमध्ये लाभांश क्षमताको आधारमा एभरेष्ट बैंक “अण्डरभ्यालुड” देखिएको छ । एभरेष्ट बैंकको लाभांश क्षमता ४० दशमलव ५० हुँदा कम्पनीको बजार मूल्य ६०४ रुपैयाँ रहेको छ ।
त्यस्तै दोश्रोमा सानिमा बैंक रहेको छ । सानिमा बैंकको लाभांश क्षमता १७ दशमलव ७३ हुँदा कम्पनीको बजार मूल्य २९७ रहेको छ ।
- प्रति शेयर वितरणयोग्य नाफा, वितरण योग्य प्रति शेयर आम्दानी (EPS) र लाभांश क्षमतालाई एउटै अर्थ आउने शब्द मानिएको छ।
नोट : यो तथ्यांक विशुद्ध शैक्षिक प्रयोजनको लागि हो ! शेयर कारोबारको प्रयोजनको लागि यो सामाग्री होइन !
