काठमाडौं । आज साताको तेस्रो दिन सुनको मूल्य प्रतितोला दुई सय रुपैयाँले बढेको छ । आज मंगलबार छापावला सुनको मूल्य प्रतितोला १ लाख १२ हजार २ सय रुपैयाँमा कारोबार भइरहेको महासंघले जनाएको छ । आज तेजावी सुन प्रतितोला एक लाख ११ हजार ६५० रुपैयाँमा खरिद बिक्री भइरहेको छ भने चाँदीको मूल्य प्रतितोला ५ रुपैयाँले घटेको छ । आज चाँदी प्रतितोला १ हजार ४ सय ५५ रुपैयाँमा कारोबार भइरहेको छ ।
अघिल्लो दिन छापावला सुन प्रतितोला १ लाख १२ हजार रुपैयाँमा कारोबार भएको थियो । तेजावी सुनको मूल्य अघिल्लो दिन अर्थात हिजो एक लाख ११ हजार ४५० रुपैयाँमा कारोबार भएको थियो । हिजो चाँदी १ हजार ४ सय ६० रुपैयाँमा कारोबार भएको महासंघले जनाएको छ ।
