काठमाडौं । प्रभु महालक्ष्मी लाइफ इन्स्योरेन्स लिमिटेडले अभिकर्ता समारोह सम्पन्न गरेको छ । दुई कम्पनीको एकिकृत कारोबारपछि साविक प्रभु लाइफ र महालक्ष्मी लाइफका अभिकर्ताहरुलाई एकिकृत गर्ने उदेश्यले देशको विभिन्न ठाउँमा कार्यक्रमको आयोजना गरेको हो ।
कम्पनीले साउन २ गते झापाको बिर्तामोड, पर्सा बीरगंज, दाङको घोराही र कैलालीको धनगढीमा कार्यक्रम आयोजना गरेको थियो । कार्यक्रममा दुवै कम्पनीका व्यवसाय दिएका सक्रिय अभिकर्ताहरुलाई सहभागि गराइएको थियो । चारै ठाउँमा भएको कार्यक्रममा सय–सय जनाभन्दा बढी अभिकर्ताको उपस्थिति रहेको छ ।
कार्यक्रममा मर्जरपछिको बीमा कारोबारको अवस्था, प्रचलनमा ल्याउने पोलिसीहरु, एजेन्सी सिस्टम र एजेन्सी स्किम बारेमा अभिकर्ताहरुलाई प्रशिक्षण दिएको थियो । विर्तामोडमा सोना बहादुर मगर र प्रभाकर न्यौपाने, वीरगंजमा प्रयास श्रेष्ठ र सीताराम धिमाल, घोराहीमा प्रशान्त राज धमला र योगेन्द्र प्रसाद खतिवडा र धनगढीमा किशोर प्रसाद लामिछाने र रामेश्वर श्रेष्ठले प्रशिक्षण दिएका थिए । प्रशिक्षक सबैजना महालक्ष्मी लाइफ कम्पनी प्रधान कार्यालयका वरिष्ठ अधिकृतहरु हुन् ।
