काठमाडौं । नेपाल राष्ट्र बैंकले विभिन्न सवारी साधन लिलामी मार्फत बिक्रि गर्ने भएको छ । बैंकको स्वामित्वमा रहेका ६ प्रकारका पुराना सवारी साधन जे जस्तो अवस्थामा छन् सोहि अवस्थामा लिलामीमा बिक्रि गर्ने भएको हो ।
लिलामीमा राखिएको उक्त सवारी साधन खरिद गर्न इच्छुक व्यक्तिलाई फर्म वा कम्पनीहरुले सूचना जारी भएको मितिले १७ दिनभित्र बोलपत्र फारम खरिद गरी सिलबन्दी बोलपत्र पेश गर्न बैंकले अनुरोध गरेको छ । बैंकले प्रयेक सवारी साधनको लागि छुट्टा छुट्टै बोलपत्र फारमको दस्तुर तोकेको छ ।
लिलामीमा रहेको सवारीमा स्वराज माज्दा बस, सेभ्रोलेट टाभेरा (२) महिन्द्र स्कारपियो पिकअप 4WD र सेभ्रोलेट टाभेरा गरि कुल ६ प्रकारका सवारी साधन रहेको छ ।
उक्त सिलबन्दी बोलपत्र भने २०८० साउन १७ गते दिनको २ बजे खुल्ने बैंकले जनाएको छ ।
