काठमाडौं । पछिल्लो समय वैंकहरुले निक्षेपमा दिने व्याजदर घटाउदै गएका छन् । गत असार २८ गते मात्र विकास बैंकहरुले साउन महिनामा विकास वैंकहरुको ब्याजदर घटाउने निर्णय गरेसँगै ब्याजर घटाउने भएका हुन् । जसअनुसार मुद्धती खातामा दिने व्याज समेत घटेको छ । वाणिज्य बैंकहरुले पनि साउनमा निक्षेपको ब्याजदर घटाउने निर्णय गरेका छन् ।
यससँगै कामना सेवा विकास वैंकले पनि ब्याजदर घटाएको छ । बैंकले प्रकाशन गरेको व्याजदर अनुसार मुद्धती खातामा ९ दशमलव ९९ प्रतिशत कायम गरेको छ । वित्तीय वजारमा तरलताको समस्या हट्दै गए पश्चात वैंकहरुले क्रमिक रुपमा व्याज घटाउदै आएका थिए । नेपाल राष्ट्र वैंकको विवरण अनुसार वैंकहरुको कर्जा निक्षेप अनुपात ८१.६७ प्रतिशत रहेको छ ।
राष्ट्र वैंकको नियम अनुसार कर्जा निक्षेप अनुपात ९० प्रतिशत सम्म हुन पाउने प्रावधान रहेकोमा वैंकहरुले कर्जा लगानी गर्न नसक्दा उक्त अनुपात घट्न गएको छ । वचतकर्ताहरुलाई वैंकले दिने व्याजदर घटेसँगै वैंकहरुको आधारदर घट्न गई कर्जाको व्याजदर समेत घट्ने छ ।
