काठमाडौं । दुई जीवन बीमा कम्पनी सूर्यज्योति लाइफ इन्स्योरेन्स र प्रभु महालक्ष्मी लाइफले सातै प्रदेशका लागि कर्मचारी माग गरेका छन् । सूर्यज्योति लाइफ इन्स्योरेन्सकम्पनीले धेरै संख्यामा कर्मचारी माग गरेको छ । कम्पनीले सातै प्रदेशका लागि शाखा प्रमुख माग गरेको हो । शाखा प्रमुखका लागि कम्पनीले मान्यता प्राप्त विश्वविद्यालयबाट कम्तिमा स्नातक तह वा सो सरहको परीक्षा उर्तिण गरेको हुनुपर्ने जनाएको छ भने उमेर हक २१ वर्ष पुरा भई ४० वर्ष ननाघेको हुनुपर्ने जनाएको छ ।
त्यसैगरी बीमा तथा बैंक, वित्तीय क्षेत्रमा कम्तिमा १ वर्ष विक्री तथा बजार व्यवस्थापनको क्षेत्रमा २ वर्ष काम गरेको अनुभव भएको हुनुपर्नेछ । ईच्छुक तथा योग्यता पुगेका व्यक्तिले आज असार ३१ गतेभित्र कम्पनीको नलाइन फर्म मार्फत आफुले आवेदन दिने चाहेको प्रदेश र शाखा कार्यालय उल्लेख गरी आवेदन दिनुपर्नेछ ।
त्यस्तै, काठमाडौं। प्रभु महालक्ष्मी लाइफले सातै प्रदेशका लागि कर्मचारी माग गरेको छ । एक आपसमा मर्ज भई छिट्टै एकिकृत कारोबार गर्न लागेका प्रभु लाइफ इन्स्योरेन्स कम्पनी र महालक्ष्मी लाइफ इन्स्योरेन्स कम्पनीले आफ्ना विभिन्न शाखा तथा उप शाखा कार्यालयका लागि कर्मचारी आवश्यक परेकाले कर्मचारी माग गरेको हो ।
कम्पनीले सातै प्रदेशका लागि कर्मचारी माग गरेको जनाएको छ । कम्पनीले न्युनतम स्नातक गरेको हुनुका साथै एक वर्ष मार्केटिङ क्षेत्रमा राम्रो अनुभव समेत रहेको हुनुपर्ने जनाएको छ । ईच्छुक तथा योग्यता पुगेका आवेदकले असार ३१ गतेसम्म आवेदन दिन सक्नेछन् ।
