काठमाडौं । बरूण हाइड्रोपावर कम्पनी लिमिटेडले साउन १४ गते विशेष साधारण सभा गर्ने भएको छ । असार २७ गते बसेको कम्पनीको सञ्चालक समितिको बैठकले लर्ड पार्टी भेन्यु, धुम्बाराही, काठमाडौंमा दिउँसो १ बजे सभा गर्ने निर्णय गरेको हो । सभाले शतप्रतिशत हकप्रद शेयर निष्काशनको प्रस्ताव पारित गर्नेछ ।
असार १२ गते बसेको कम्पनीको सञ्चालक समितिको बैठकले शतप्रतिशत हकप्रद शेयर निष्काशन गर्ने निर्णय गरेको थियो । सञ्चालक समितिको उक्त निर्णयलाई कम्पनीले विशेष साधारण सभामार्फत स्वीकृति प्रदान गर्न लागेको हो । हाल कम्पनीको चुक्तापूँजी ५३ करोड ५८ लाख १५ हजार रहेको छ ।
सभाका लागि कम्पनीको ठेगाना परिवर्तन गर्न र पूँजी बृद्धि गर्न प्रबन्ध पत्र, तथा नियमावलीमा आवश्यक संशोधनको प्रस्ताव समेत तय गरिएको छ । प्रबन्धपत्र तथा नियमावली संशोधनका लागि सञ्चालक समितिलाई अख्तिायारी समेत सभामार्फत दिने कार्यक्रम रहेको छ ।
विशेष साधारण सभा प्रयोजनका लागि कम्पनीले साउन ५ गते एक दिन बुक क्लोज गर्ने भएको छ । बुक क्लोजको आधारमा साउन ४ गते बिहीवारसम्म कायम शेयरधनीहरू मात्र सभामा भाग लिन सक्नेछन् ।
1689159977172
