काठमाडौं । राधी विद्युत कम्पनी लिमिटेडद्वारा प्रवर्द्धित राधी साना जलविद्युत आयोजनाको विद्युत उत्पादन बन्द भएको छ । राधी खोला लगायत अन्य साना खोलाहरुमा आएको बाढी र पहिरोको कारणले आयोजनामा क्षति पुगेकोले विद्युत उत्पादन बन्द भएको कम्पनीले जनाएको छ ।
४.४ मेगावाट क्षमता भएको राधी साना जलविद्युत आयोजनाको हेडवर्क्स र हेडरेस पाएपमा क्षति पुगेको कम्पनीले जनाएको छ । निराकरणको लागी आवश्यक कार्य अगाडी बढाईसकेको र निकट भविष्यमा कार्य सम्पन्न भए पश्चात आयोजना पुनः संचालन हुने कम्पनीले नेप्से मार्फत जनाएको छ ।
