काठमाडौं । प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उनको उपचारको क्रममा नर्भिक अस्पतालमा आज विहान ८ बजेर ३३ मिनेटमा निधन भएको जनाएको छ ।
उनको स्वास्थ्यमा समस्या बढेपछि उपचारका लागि आजै विहान नर्भिक पुर्याएको थियो । दाहाल लामो समयदेखि पार्किन्सन जस्तो देखिने एक जटिल प्रकारको रोग ‘प्रोग्रेसिभ सुपरान्युक्लियर पाल्सी (पी.एस.पी.) समस्यासँग लडिरहेकी थिइन् ।
दाहालको आजै अन्त्येष्टि गरिने भएको छ । दाहालको पार्थिव शरीर श्रद्धाञ्जलीका लागि ११ बजेदेखि १ बजेसम्म पार्टी केन्द्रीय कार्यालय पेरिसडाँडामा राखिने तथा बुधबार दिउँसो २ बजे पशुपति आर्यघाटमा अन्तिम संस्कार गरिने प्रधानमन्त्रीको सचिवालयले जानकारी दिएको छ ।
