काठमाडौं । गायक एवम कलाकार रबिन तामाङको आज अन्तिम संस्कार गरिने भएको छ । मृतक तामाङको शवलाई आज बिजेश्वरीस्थित शोभा भगवतिमा अन्तिम संस्कार गरिने भएको हो ।
मृतक तामाङको पार्थिव शरिरलाई अन्तिम श्रद्धाञ्जली दिनका लागि विहान ८ बजेदेखि ११ बजेसम्म संङ्ीत तथा नाट्य एकेडेमीको प्राङ्गणमा राखिएको थियो । उनलाई अन्तिम श्रद्धाञ्जली दिनका लागि सञ्चार तथा सूचना प्रविधि मन्त्री रेखा शर्मा, संस्कृति, पर्यटन तथा नागरिक उड्डयन मन्त्री सुदन किँराती, नेपाली काँग्रेसका महामन्त्री गगन थापा एवम थुप्रै कलाकारहरुको उपस्थिति रहेको थियो ।
गायक तामाङ गत मंगलबार बुढानिलकण्ठस्थित आफ्नै निवासमा मृत भेटिएका थिए ।
