काठामाडौं । शेयर बजारमा लगातार एक साताको करेक्सन पछि मंगलबार पुरानै लयमा फर्किएको छ । एक सातामा ९० अंकले घटेको शेयर बजारमा आज १० अंकको सुधार देखिएको हो ।
लगानीकर्ताले एक साताको अवधिमा चालु आर्थिक वर्षका लागि कर, व्याज, किस्ताको जोहो गरेका हुन् । कर व्याज र किस्ताको लागि रकम जोहो गर्दा एक साताको अवधिमा ९० अंक भन्दा धेरैले तल झर्यो । मंगलबार नेप्से सूचक १२.७३ अंकले बढेर २०८८.७७ अंकमा उक्लिएको छ ।
सूचकमा सुधार देखिए पनि २ अर्ब ५७ करोड रुपैयाँको खरिद बिक्री भएको छ । कारोबार रकममा भने सुधार हुन सकेन । लगानीकर्ताले बजार सुधार हुने अपेक्षामा शेयर बिक्री नगरेका हुन् । असार अन्तिम साता बजार पुरानै लयमा फर्किने हुँदा अहिले शेयर बिक्री गर्न नहुने लगानीकर्ताको विश्लेषण छ ।
आज १४५ वटा कम्पनीको शेयर मूल्यमा सुधार हुँदा ७२ वटा कम्पनीको शेयुर मूल्य भने घटेको छ । आज सर्वाधिक धेरै सिटी होटलको शेयर मूल्य बढ्दा सकारात्मक सर्किट लागेको छ । नागरिक लगानीकोष र एनएलजी इन्स्योरेन्स कम्पनीको शेयर खरिद बिक्री सर्वाधिक धेरै भएको छ । सम्पुर्ण सूचक तथा उपसूचकमा सुधार हुँदा सर्वाधिक धेरै होटलको बढेको छ ।
