काठमाडौं । आज साताको दोस्रो दिन पनि शेयर बजार घटेको छ । आज शेयर बजार नेप्से परिसूचक २१ दशमलव ३२ अंकले घटेर २,०७५ दशमलव ९७ को विन्दुमा कायम भएको छ । आज ४१ कम्पनीको शेयर मुल्य बढेको छ भने १७४ कम्पनीको शेयर मुल्य घटेको छ । आज १० कम्पनीको शेयर मुल्य स्थीर रहेको छ ।
आज दिनभरिमा २७६ कम्पनीको ९४ लाख १८ हजार ९५१ कित्ता शेयर किनबेच हुँदा ४ अर्ब ५ करोड १ लाख रुपैयाँको शेयर कारोबार भएको छ । आज सबैभन्दा धेरै हिमालयन लाइफ इन्स्योरेन्स कम्पनीको शेयर कारोबार भएको छ । आज कम्पनीको २३ करोड ९४ लाख रुपैयाँको शेयर कारोबार भएको छ । आज कम्पनीको शेयर मुल्य ५३२ रुपैयाँ रहेको छ ।
त्यस्तै, सोल्टी होटलको २० करोड ९४ लाख रुपैयाँको शेयर कारोबार भएको छ । नागरिक लगानी कोषको २० करोड ३३ लाख रुपैयाँको शेयर कारोबार भएको छ । शिवम् सिमेन्टको १८ करोड १८ लाख रुपैयाँको शेयर कारोबार भएको छ ।
आज सबैभन्दा धेरै सिवाइसी नेपाल लघुवित्त वित्तीय संस्था र बिपीडब्लु लघुवित्तका लगानीकर्ताले कमाएका छन् । यस कम्पनीका लगानीकर्ताले १० प्रतिशतका दरले कमाएका हुन् । सिटी होटलका लगानीकर्ताले ९ दशमलव ९८ प्रतिशतका दरले कमाएका छन् ।
आज सबैभन्दा धेरै लक्ष्मी इक्विटी फण्डका इकाईधनीले गुमाएका छन् । यस फण्डका इकाईधनीले ८ दशमलव ९५ प्रतिशतका दरले गुमाएका हुन् । सामुदायिक लघुवित्त वित्तीय संस्थाका लगानीकर्ताले ७ प्रतिशतका दरले गुमाएका छन् ।
