काठमाडौं । अरुण काबेली पावरले हकप्रद निष्काशनको लागि बुक क्लोज मिति तय गरेको छ । कम्पनीले हकप्रद निष्काशनको लागि असार २५ गते बुक क्लोज गर्ने निर्णय गरेको छ । त्यसकारण जेठ २४ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने छन् ।
कम्पनीलाई नेपाल धितोपत्र बोर्डले असार १३ गते हकप्रद शेयर निष्काशनको अनुमति प्रदान गरेको थियो । कम्पनीले हाल कायम चुक्ता पुँजीको १ः१ को अनुपातमा शतप्रतिशत हकप्रद निष्काशन गर्न अनुमति पाएको हो ।
कम्पनीको हकप्रद शेयर निष्काशन तथा विक्री प्रबन्धकमा नबिल इन्भेष्टमेन्ट बैंकिंगलाई रहेको छ । कम्पनीले १ अर्ब ८५ करोड ५२ लाख १० हजार ५ सय रुपैयाँ बराबरको १ करोड ८५ लाख ५२ हजार १ सय ५ कित्ता हकप्रद शेयर निष्काशन गर्नेछ।
1688294280554
