काठमाडौं । पुराना ब्रोकरहरुको नयाँ ब्रोकरलाई दिइएको लाइसेन्स रोक्ने मिसन असफल भए सँगै उनिहरुको निरासा शेयर बजारमा देखिएको छ । अर्थसमिति मार्फत लाइसेन्स रोक्ने उनिहरुको कदम असफल भएको हो । आजै अर्थसमितिले ब्रोकर लाइसेन्सको प्रकृयाँ अगाडी बढाउन निर्देशन दिइसकेको छ ।
विगत केहि समयदेखि लगातार बढिरहेको शेयर बजारमा आज २६ अंकले करेक्सन भएको छ । यो करेक्सनमा ब्रोकरहरु कारक बनेका छन् । अवको केहि दिनमै नयाँ ब्रोकरले कारोबार शुरु गर्ने तयारी गरेका छन् । नयाँ ब्रोकरले बजारमा कारोबार सुरु गर्ने वित्तीकै केहि सुधार हुने विश्लेषण गरिएको छ ।
अझै पनि बजारमा ठुलो कारोबार ब्रोकर सोसाइटी भित्रैबाट हुन्छ । यसले गर्दा बजार तल माथि बनाउन उनिहरुकै बढि जोडबल हुन्छ । अझ नयाँ ब्रोकरको आगमन सँगै यस्तो हिस्सा थप बढ्ने अनुमान गरिएको छ । नयाँ ब्रोकरहरुले काठमाडौं भन्दा बाहिरबाट पनि कारोबार गर्नु पर्ने हुन्छ । यदि ब्रोकरहरुले काठमाडौं भन्दा बाहिरबाट पनि कारोबार बढाउन सके भने शेयर बजारलाई थप टेवा पुग्याउछ ।
आज लगानी र उत्पादन तथा प्रोशधनमुलक सूचक बाहेक सम्पुर्ण सूचकमा सुधार देखिएको छ । नेप्से सूचक २६.५६ अंकले घट्दा २०६४.८३ अंकमा झरेको छ । कारोबार रकम ४ अर्ब १० करोड नाघेको छ । जम्मा २८ वटा कम्पनीको शेयर मूल्यमा सुधार हुदा १९३ वटा कम्पनीको शेयर मूल्यमा गिरावट देखिन्छ ।
