काठमाडौं । आज सोमवार नेपाल स्टक एक्सचेन्जमा ईङ्वा हाइड्रोपावर कम्पनीको आइपीओ सूचिकृत भएको छ । कम्पनीको कुल ६० लाख कित्ता साधारण शेयर सूचिकृत भएको हो । अव यस शेयर भोलि मंगलवारबाट धितोपत्रको दोस्रो बजारमा कारोबारमा आउनेछ । कम्पनीको स्टक सिम्बोल आईएचएल रहेको छ ।
कम्पनीले सर्वसाधारण शेयरधनी,वैदेशिक रोजगारीमा रहेका नेपाली, सामूहिक लगानी कोष,स्थानिय बासिन्दाहरु र कर्मचारीहरुलाई निष्कासन गरेको कुल १८ लाख कित्ता र कम्पनीका संस्थापक शेयरधनीहरुले लगानी गरेको ४२ लाख गरी कुल ६० लाख कित्ता साधारण शेयर सूचिकृत गराएको हो ।
नेप्सेले कम्पनीको पहिलो कारोबारको लागि प्रतिकित्ता ९७ रुपैयाँ २९ पैसादेखि २९१ रुपैयाँ ८७ पैसा ओपन रेञ्ज तोकेको छ । यहि ओपन रेञ्जको आधारमा मंगलवार देखि कम्पनीको शेयर कारोबार हुनेछ । साथै कम्पनीले शेयर सूचिकरण पश्चात दिनुपर्ने आरटिएस सेवा ईङ्वा हाइड्रोपावर लिमिटेड थापाथलि काठमाडौंबाट हुने जनाएको छ ।
1687155929880
