काठमाडौं । आज नेप्सेमा तीन कम्पनीको बोनश शेयर सुचिकृत भएको छ । नेप्सेमा नयाँ सारथी लघुवित्त वित्तीय संस्था, साना किसान विकास लघुवित्त र उपकार लघुवित्तको बोनश शेयर सूचिकृत भएको हो । यी कम्पनीहरुले आफ्नो वार्षिक साधारण सभाबाट पारित बोनश शेयर सूचिकत गराएका हुन् ।
नेप्सेमा नयाँ सारथी लघुवित्तको १९ प्रतिशत बोनश शेयर बापतको ५ लाख ७६ हजार ४५० कित्ता, साना किसान विकास लघुवित्तको २६ प्रतिशत बोनश शेयर बापत ४० लाख ६७ हजार ४७५ कित्ता शेयर र उपकार लघुवित्तको ६१.७५ प्रतिशत बोनश शेयर बापत ४ लाख ५ हजार २३२ कित्ता शेयर सुचिकृत भएको छ ।
