काठमाडौं । आँखुखोला जलविद्युत कम्पनीले असार २२ गते १५औं वार्षिक साधारण सभा गर्ने भएको छ । उक्त सभा नयाँ बानेश्वर स्थित अर्पण ब्यांक्वेटमा गर्ने भएको हो । कम्पनीको जेठ २६ गते बसेको संचालक समितिको बैठकले उक्त सभाको मिति तय गरेको हो ।
सभाले अध्यक्षको आर्थिक वर्ष २०७८/०७९ को वार्षिक प्रगति प्रतिवेदन उपर छलफल गरी पारित गर्ने, आर्थिक वर्ष २०७८/०७९ को लेखापरीक्षण प्रतिवेदन उपर छलफल गरी पारित गर्ने, आगामी आर्थिक वर्ष २०७९ /८० को लागि लेखा परीक्षक नियुक्त गर्ने र पारिश्रमिक निधारण गर्ने प्रस्ताव पारित गर्नेछ ।
सभाले श्री गणेश हिमाल हाइड्रोपावरले आफूले प्रवर्द्धन गर्न लागेको २० मे.वा. क्षमताको आँखुखोला २ जलविद्युत आयोजनामा कम्तीमा ६० प्रतिशत लगानी गर्न सञ्चालक समितिले गरेको सम्झौता अनुमोदन गर्ने, श्री गणेश हिमाल हाइड्रोपावरले आफूले प्रवर्द्धन गर्न लागेको २० मे.वा. क्षमताको आँखुखोला २ जलविद्युत आयोजनामा कम्तीमा ६० प्रतिशत लगानी गर्न र बैक ऋण भुक्तानीको लागि यस कम्पनीले १ः१.५ को हकप्रद शेयर निष्काशन गर्ने प्रस्ताव पारित गर्नेछ । सभाले हकप्रद शेयर निष्काशनको लागि कम्पनीको पूँजीगत संरचनामा वृद्धि गर्ने लगायतका प्रस्ताव पारित गर्नेछ ।
1686308317088
