काठमाडौं । नेपालमा आज थप १४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट ८५४ जनामा कोरोना संक्रमण परिक्षण गरिएको थियो । जसमध्ये ३८४ जनामा गरिएको आरटीपीसीआर परिक्षणमा ९ जना र ४७० जनामा गरिएको एन्टीजेन परिक्षणमा ५ जना संक्रमित पुष्टि भएको छ । सोहि समय १४ जना भने कोरोना संक्रमण मुक्त भएका छन् ।
साथै आज थपिएका संक्रमितसँगै नेपालमा सक्रिय कोरोना संक्रमितको संख्या ५३ जना पुगेको छ । पछिल्लो केहि दिनदेखि नेपालमा कोरोना संक्रमणमा कमि आएको छ ।
