काठमाडौं । लामो समय पछि सिडी रेसियो ८५ प्रतिशत तल आएको छ । नेपाल राष्ट्र बैंकले सार्वजनिक गरेको तरलताको तथ्याङ्क अनुसार जेष्ठ २ गते सिडी रेसियो ८४ दशमलव ९८ प्रतिशतमा आएको छ । एक दिन अघि अर्थात जेष्ठ १ गते सिडी रेसियो ८५ दशमलव ०१ प्रतिशत थियो ।
जेष्ठ २ गते वाणिज्य बैंकमा निक्षेप स्थीर र विकास बैंक र फाइनान्स कम्पनीमा १ अर्बले निक्षेप वृद्धि हुँदा समस्त प्रणालीमा १ अर्बले निक्षेप वृद्धि हुन पुगेको थियो । सोही दिन प्रणालीमा कर्जा प्रवाह २ अर्बले घटेको थियो । निक्षेप बढ्नु र कर्जा घट्दा सिडी रेसियो घटेको हो ।
जेष्ठ २ गतेसम्म वाणिज्य बैंक, विकास बैंक र वित्त कम्पनीहरुले ५४ खर्ब ८४ अर्ब निक्षेप संकलन गरी ४८ खर्ब ४५ अर्ब कर्जा प्रवाह गरेका छन् ।
