काठमाडौं । टर्की र सिरियाको भुकम्पका कारण ग्लोबल रि इन्स्योरेन्स कम्पनी म्युनिख रिको मुनाफमा १४.२ प्रतिशतले गिरावट देखिएको छ । सन् २०२३ को पहिलो त्रैमासिक अवधिमा म्युनिख रिकको नेट रिजल्ट एक अर्ब २७ करोड युरो रहेको छ । जवकी यस भन्दा अघिल्लो वर्षको यहि अवधिमा म्युनिख रिले एक खर्ब ४८ अर्ब युरो मुनाफा आर्जन गरेको थियो ।
कम्पनीले समुहगत रुपमा हेर्दा बीमा व्यवसाय तर्फ आम्दानी १४ अर्ब युरो नाघेको छ भने कुल टेक्निकल रिजल्ट तर्फ एक अर्ब ८० करोड युरो छ । म्युनिङको पुनर्बीमा व्यवसाय तर्फ मुनाफा भने १.०५ अर्ब युरो रहेको छ ।
वित्तीय विवरण अनुसार म्युनिख रिले पुनर्बीमा शुल्क बापत ९ अर्ब २३ करोड युरो आर्जन गरेको छ । यस्तो बीमा शुल्क आर्जन गत वर्षको तुलनामा ६.६ प्रतिशतले बढेको छ ।
समिक्षा अवधिमा मानवबाट सिर्जीत घटनाहरुबाट कम्पनीलाई १७० मिलियन बराबरको नोक्सानी भएको छ भने प्राकृतिक प्रकोपबाट सिर्जित घटनाबाट कम्पनीलाई ८७० मिलियन युरो बराबरको नोक्सानी भएको छ । जवकी गत वर्षको यहि अवधिमा यस्तो क्षेत्रबाट कम्पनीलाई जम्मा ४४८ मिलियन डलरको नोक्सानी भएको थियो । यस वर्ष टर्कीमा गएको भुकम्पले ठुलो नोक्सानी गराएको छ ।
टर्किमा गएको भुकम्पले ६० हजार मानिसले ज्यान गुमाएका थिए । यस अवधिमा बीमा कम्पनीहरुले ४ देखि ५ अर्ब युरो बराबरको दाबी भुक्तानी गर्नु परेको हो । जसमा म्युनिख रि एक्लैले ०.६ अर्ब युरो बराबरको दाबी भुक्तानी गर्नु परेको थियो ।
