काठमाडौं । नेपाल स्टक एक्सचेन्जमा दुई कम्पनीको ४९ लाख ९२ हजार ३०८ दशमलव ४३ कित्ता बोनश शेयर सूचिकृत भएको छ । नेपाल बैंकको २८ लाख ८१ हजार १८० दशमलव ९६ कित्ता र फरवार्ड माइक्रोफाइनान्स लघुवित्तको २१ लाख ११ हजार १२७ दशमलव ४६ कित्ता गरी कुल ४९ लाख ९२ हजार ३०८ दशमलव ४३ कित्ता बोनश शेयर सूचिकृत भएको हो ।
नेपाल बैंकले गत पुस २९ गते सम्पन्न वार्षिक साधारण सभाबाट पारित २ प्रतिशत बोनश शेयर सूचिकृत गराएको हो । त्यस्तै फरवार्ड माइक्रोफाइनान्सले गत पुस ३० गते सम्पन्न वार्षिक साधारण सभाबाट पारित २५ प्रतिशत बोनश शेयर सूचिकृत गराएको हो ।
यस बोनश शेयर सम्बन्धित शेयरधनीको हितग्राही खातामा आएपछि कारोबार गर्न सकिनेछ ।
