काठमाण्डौं । प्राइम कमर्सियल बैंकले आजदेखि संस्थापक समूहको ३ लाख ५१ हजार ८१७ कित्ता सर्वसाधारणमा विक्री खुला गरेको छ । उक्त शेयरमा विद्यमान संस्थापक शेयरधनीका साथै अन्य व्यक्ति तथा संस्थाले खरिद गर्न सक्नेछन् ।
लगानीकर्ताले न्यूनतम १ हजार कित्ता र अधिकतममा सम्पूर्ण कित्ताका लागि खरिद आवेदन दिन सक्ने बैकले जनाएको छ । उक्त शेयरको न्यूनतम मूल्य प्रतिकित्ता १३० रुपैयाँ तोकिएको छ । बोलपत्र पेश गर्दा न्यूनतम मूल्य वा सोभन्दा बढी मुल्य राखी बोलकबोल गर्नुपर्नेछ ।
उक्त लिलामीमा शेयरमा जेठ १७ गतेसम्म बोलपत्र पेश गर्न सकिनेछ । बोलपत्र काठमाडौंको नक्सालस्थित सानिमा क्यापिटलको कार्यालयमा पेश गर्न कम्पनीले भनेको छ ।
