काठमाडौं । प्रभु क्यापिटल र सेञ्चुरी क्यापिटलले आजदेखि एकिकृत कारोबार गर्दैछन् । एकिकृत कारोबारको शुभारम्भ नेपाल धितोपत्र बोर्डका अध्यक्ष रमेश कुमार हमालले गर्नेछन् । प्रभु क्यापिटलले सेन्चुरी क्यापिटललाई प्राप्ति गरे पश्चात् चुक्ता पुजि १ अर्ब २० करोड रुपैयाँको नेपालको सर्बाधिक ठुलो पुजि कोष भएको क्यपिटल भएको छ । प्रभु बैंकले सेन्चुरी कमर्शियल बैंकलाई प्राप्ति गरेसँगै यी बैंकको सहायक कम्पनीको रुपमा रहेका दुई क्यापिटल पनि मर्ज भएका हुन् । यी दुवै क्यापिटलले मर्जर तथा प्राप्ति सम्बन्धि प्रस्ताव बैशाख ९ गतेको विशेष साधारण सभाबाट पारित गरेका थिए ।
यी दुई क्यापिटल १ः१ को अनुपातमा मर्ज भएका हुन् । सो विशेष साधारण सभाले प्रभु क्यापिटलले प्राथमिक शेयर निष्काशन गर्ने सम्बन्धी विशेष प्रस्ताव समेत पारित गरेको थियो ।
