काठमाडौं । नेपालमा आज थप ५१ जनामा कोरोना संक्रमण पुष्टि भएको छ । पछिल्लो २४ घण्टामा नेपालभरबाट ५१ जना कोरोना संक्रमित भेटिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट कुल १ हजार ९०२ जनामा कोरोना परिक्षण गरिएको थियो । जसमध्ये, आरटीपीसीआर मार्फत ६६९ जनामा कोरोना संक्रमण परिक्षण गरिएकोमा २६ जना संक्रमित पुष्टि भएको हो । यसैगरी १ हजार २३३ जनामा गरिएको एन्टीजेन परिक्षणमा २५ जनामा कोरोना पुष्टि भएको मन्त्रालयले जनाएको छ । सोहि समय देशभरबाट २६ जना कोरोना मुक्त भएका छन् ।
आज थपिएका संक्रमितसँगै नेपालमा सक्रिय कोरोना संक्रमितको संख्या १४७ पुगेको छ ।
