काठमाडौं । नेपाल यूएईलाई पराजित गर्दै एसिया कपमा पुग्न सफल भएको छ । कीर्तिपुरमा भएको एसीसी प्रिमियर कपको फाइनल खेलमा नेपालले यूएईलाई पराजित गरेको हो । कीर्तिपुरस्थित टियू मैदानमा भएको खेलमा यूएईले नेपाललाई ११८ रनको लक्ष्य दिएको थियो । नेपालले ३ विकेटको क्षतिमा ३०.३ ओभरमा ११८ रन बनाउँदै विजयी भएको हो ।
गुलसन झा र भिम सार्कीबिचको पार्टनरसिपले नेपाललाई एसिया कपमा पुर्याएको हो । गुलसनले ८४ बलमा ६७ रन बनाएर भने भीमले ७२ रनमा ३६ रन बनाएका थिए । यो जितसँगै नेपालले सेप्टेम्बरमा पाकिस्तानमा हुने एसिया कपमा स्थान बनाएको छ । एसिया कपमा पाकिस्तान र भारत रहेको समूहमा नेपाल रहेको छ । यससँगै नेपालले पहिलोपटक यी दुई टेस्ट टिमसँग प्रतिस्पर्धा गर्ने अवसर बनाएको छ ।
हिजोको खेलमा पानीले अवरोध गरे पछि खेल नै अवरुद्ध भएको थियो । हिजो स्थगित भएको अवस्थाबाटै आज खेल सुरु भएको हो । हजारौ नेपालीहरु खेलाडीलाई हौसला प्रदान गर्न किर्तिपुर मैदानमा पुगेका छन् । हिजोको झरीमा पनि छाता ओडेर दर्शकले साथ दिएका थिए ।
