काठमाडौं । सूर्यज्योति लाइफ इन्स्योरेन्स कम्पनीले अन्तर्राष्ट्रिय श्रमिक दिवसको पुर्वसन्ध्यामा भिडियो सन्देश तयार पारेको छ । श्रमिकहरुमा बीमाको महत्वलाई झल्काउदै ‘श्रमको सम्मानमा छैन कुनै सीमा, हरेक जीवनलाई जोड्छ सूर्यज्योति जीवन बीमा’ नामक भिडियो बनाइएको हो ।
कम्पनीले अन्तर्राष्ट्रिय श्रमिक दिवसको अवसरमा सम्पूर्ण श्रमिक दाजु भाई तथा दिदीबहिनीहरुलाई हार्दिक मंगलमय शुभकामना व्यक्त गरेको छ । भिडियोमा विभिन्न किसिमका श्रमिकहरुलाई देखाएको छ । जुनसुकै क्षेत्रमा काम गर्ने मजदुरहरुका लागि पनि जीवन बीमा आवस्यक रहेको सन्देश दिन खोजिएको छ । जसमा मकै पोल्ने महिला, होटलमा काम गर्ने मजदुर, शिक्षक, कम्पनीमा काम गर्ने कर्मचारी, चिकित्सक, हलो जोत्ने किसान, भरिया, सरसफाइ मजदुर, सवारी चालकहरुलाई देखाइएको छ ।
भिडियो सँगै प्रस्तोताले म जे गर्दछु सफल जीवनका लागि, म पसिना बगाउँछु सुरक्षित जीवनका लागि, म श्रम/परिश्रम/मेहनत गर्दछु सन्ततिको उज्जवल भविष्यका लागि भन्दै शुभकामना व्यक्त गरिएको छ । भिडियोको परिकल्पनाकार तथा रचनाकार सूर्योजोति लाइफका ब्रान्डिङ तथा सञ्चार विभाग प्रमुख मेघेन्द्र प्रकाश गिरी हुन् ।
भिडियो हेर्न यहाँ क्लिक गर्नुहोस्
