काठमाडौं । नेपाल पुनर्बीमा कम्पनीले गत आर्थिक वर्ष २०७८/७९ को मुनाफाबाट लाभांश घोषणा गरेको छ । कम्पनीको बैशाख १७ गते विहान ८ बजे बसेको सञ्चालक समितिको बैठकले गत आर्थिक वर्षको वितरण योग्य मुनाफाबाट चुक्ता पूँजीको ४.७४ प्रतिशत बोनस शेयर र बोनस शेयरमा लाग्ने कर प्रयोजनका लागि ०.२५ प्रतिशत नगद लाभांश प्रस्ताव गरेको छ ।
कम्पनीले चुक्ता पूँजी १२ अर्ब २३ करोड रुपैयाँको ४.७५ प्रतिशत अर्थात ५१ करोड ५८ लाख रुपैयाँ बोसन शेयर वितरण गरे सँगै चुक्ता पूँजी १२ अर्ब ७५ करोड रुपैयाँ पुग्नेछ ।
सञ्चालक समितिले प्रस्तावित लाभांश स्वीकृतिका लागि नेपाल सरकार समक्ष अनुरोध गर्ने भएको छ । नेपाल सरकार र नेपाल बीमा प्राधिकरणबाट स्वीकृति पाए पछि मात्रै साधारणसभामा पेश गर्नेछ । साधारणसभाले लाभांश स्वीकृत गरे पछि बल्ल शेयरधनीहरुले प्राप्त गर्ने छन् ।
कम्पनीले गत वर्ष पनि ५ प्रतिशत बोनस शेयर र बोनस शेयर प्रयोजनका लागि ०.२६ प्रतिशत नगद लाभांश वितरण गरेको थियो । यस भन्दा अगाडी पहिलो पटक कम्पनीले शेयरधनीहरुलाई १६.५ प्रतिशत बोनस शेयर र बोनस शेयरमा लाग्ने कर प्रयोजन सहित २.५ प्रतिशत सहित १९ प्रतिशत लाभांश वितरण गरेको थियो ।
1682829169852
