काठमाडौं । विगत दुई हप्तदेखि थुप्रिएको सिंहदरबारको फोहोर उठ्न थालेको छ । सर्वाेच्च अदालतले तीन दिनभित्र फोहोर उठाउन शुक्रबार निर्देशन दिएसँगै सोमबारबाट फोहोर उठाउन थालेको हो ।
काठमाडौं महानगरपालिकाका मेयर बालेन्द्र शाह (बालेन) ले फोहोर नउठाउन निर्देशन दिएपछि सिंहदरबारको फोहोर उठेको थिएन । मेयर बालेनको निर्णय विरुद्ध अधिवक्ता पदमबहादुर श्रेष्ठले महानगरविरुद्ध रिट दायर गरेका थिए । श्रेष्ठले दिएको रिट निवेदनमाथि सुनुवाई गर्दै सर्वाेच्च अदालतले तीनदिन भित्र फोहोर उठाउन महानगरलाई आदेश दिएको थियो ।
