काठमाडौं । नेप्सेमा सानिमा मिडिल तमोर हाइड्रोपावर लिमिटेडको आइपीओ सूचिकृत भएको छ । कम्पनीको कुल ३ करोड ३३ लाख २५ हजार कित्ता साधारण शेयर सूचिकृत भएको हो । कम्पनीको स्टक सिम्बोल टिएएमओआर रहेको छ ।
अब कम्पनीको शेयर धितोपत्रको दोस्रो बजारमा भोलि अर्थात सोमवार देखि कारोबारमा आउनेछन् । कम्पनीले सूचिकरण पछि दिने आरटिएस सेवा सानिमा क्यापिटल लिमिटेड नक्सालबाट हुने जनाएको छ ।
नप्सेले कम्पनीको पहिलो शेयर कारोबारका लागि प्रतिकित्ता न्यूनतम ९८ रुपैयाँ ४३ पैसा देखि अधिकतम २९५ रुपैयाँ २९ पैसासम्मको मूल्य रेञ्ज कायम गरेको छ । यही मूल्य रेञ्जका आधारमा कम्पनीको शेयर सोमवारदेखि कारोबारमा आउनेछ ।
कम्पनीले स्थानिय बासिन्दका लागि निष्काशन गरेको ३३ लाख ३२ हजार ५ सय कित्ता, कम्पनीका कर्मचारीहरुको लागि वितरण गरेको १६ लाख ६६ हजार २५० कित्ता,सर्वसाधारणको लागि निष्काशन गरेको ४९ लाख ९८ हजार ७५० कित्ता र संस्थापकहरुले लगानी गरेको २ करोड ३३ लाख २७ हजार ५ सय कित्ता गरी कुल ३ करोड ३३ लाख २५ हजार कित्ता साधारण शेयर सूचिकृत गरेको हो ।
