काठमाडौं । डिजेल र मट्टीतेलको मूल्य प्रति लिटर १० रुपैयाँले घटेको छ । नेपाल आयल निगमको सोमबार बसेको संचालक समितिको बैठकले डिजेल, मट्टीतेल र हवाई इन्धनको मूल्य प्रति लिटर १० रुपैयाँले घटाउने निर्णय गरेको निगमले जनाएको छ ।
निगमको निर्णय अनुसार पेट्रोलको मूल्य भने प्रति लिटर ३ रुपैयाँले घटेको छ । खाना पकाउने एल्पी ग्याँसको मूल्य भने यथावत नै रहेको निगमले जनाएको छ । मूल्य समायोजन भएसँगै डिजेल र मट्टीतेलको मूल्य प्रति लिटर १६५ रुपैयाँ कायम भएको छ भने पेट्रोलको मूल्य १७५ रुपैयाँ कायम भएको छ । साथै हवाई इन्धनको मूल्य भने आन्तरिक तर्फ १६० रुपैयाँ र बाह्यतर्फ १.३५० डलर कायम भएको छ । खाना पकाउने एल्पी ग्याँसको मूल्य भने १८ सय रुपैयाँमै यथावत रहेको छ ।
