काठमाडौं । नेप्सेमा तीन लघुवित्त कम्पनीको शेयरमूल्य समायोजन भएको छ । आरएमडीसी लघुवित्त, समता घरेलु लघुवित्त र मनकामना स्मार्ट लघुवित्तको शेयर मूल्य समायोजन भएको हो । साधारण सभा तथा लाभांश वितरण प्रयोजनार्थ यी लघुवित्तहरुले बुकक्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो ।
नेप्सेले आरएमडीसीको २६ प्रतिशत, समता घरेलुको १५ प्रतिशत र मनकामना स्मार्टको ४ दशमलव ७५ प्रतिशत बोनस शेयर समायोजन गरेको हो ।
समायोजपश्चात आरएमडीसी लघुवित्तको शेयरमूल्य ७३८ रुपैयाँ २५ पैसा कायम भएको छ । समता घरेलु लघुवित्तको ६३९ रुपैयाँ ५७ पैसा र मनकामना स्मार्ट लघुवित्तको ७२५ रुपैयाँ ५४ पैसा कायम भएको छ ।
नेप्सेले मंगलवार कारोबार दिनको अन्तिम मूल्यका आधारमा यी लघुवित्तहरुको शेयर मूल्य समायोजन गरेको हो । मंगलवार दोस्रो बजारमा आरएमडीसी लघुवित्तको शेयर प्रतिकित्ता ९३० रुपैयाँ २०, समता घरेलुको ७३५ रुपैयाँ ५० पैसा र मनकामना स्मार्टको ७६० रुपैयाँमा अन्तिम कारोबार भएको थियो।
