काठमाडौं । सिवाईसी नेपाल लघुवित्त वित्तीय संस्था लिमिटेड र आँधिखोला लघुवित्त वित्तीय संस्था लिमिटेडले आज फागुन ३० गतेदेखि एकीकृत कारोबार गर्ने भएका छन् । यी दुई लघुवित्तले मर्जरपछि सिवाईसी नेपाल लघवित्त वित्तीय संस्था लिमिटेडको नामबाट एकीकृत कारोबार शुरु गर्न लागेका हुन् ।
यी दुई कम्पनीले गत असार २२ गते मर्जर सम्बन्धि प्रारम्भिक सम्झौतापत्रमा हस्ताक्षर गरेका थिए । दुबै कम्पनीको गत असोज ७ गते सम्पन्न विशेष साधारण सभाले मर्जरका लागि स्वीकृति प्रदान गरेको थियो । नेपाल राष्ट्र बैंकले पुस ७ गते र कम्पनी रजिष्ट्रारको कार्यालयबाट फागुन १५ गते मर्जरका लागि अन्तिम स्वीकृति प्राप्त भएसँगै यी दुई कम्पनी एक हुन लागेका हुन ।
