काठमाडों । नेपाल राष्ट्र बैंकको पोखरा कार्यालयले निबन्ध प्रतियोगिता गर्ने भएको छ। विश्व वित्तीय सप्ताहको अवसरमा राष्ट्र बैंकले निबन्ध प्रतियोगिता आयोजना गर्न लागेको जनाएको छ । किशोर तथा युवाहरुमा वित्तीय शिक्षाको महत्वका सम्बन्धमा जागरण ल्याउने उद्देश्यले वार्षिक रुपमा ग्लोबल मनी विक मनाइने अभियान हो । यो सप्ताह हरेक बर्ष मार्च २० देखि २६ सम्म मनाईन्छ ।
नेपाल राष्ट्र बैंकको पोखरा कार्यालयले Plan your Monev, Plant your Future’ विषयमा निबन्ध प्रतियोगिता गर्ने भएको हो । कास्की जिल्ला भित्रका १०+२ तहमा अध्ययनरत ईच्छुक विद्यार्थीहरुले यस प्रतियोगितामा सहभागि हुन सक्ने छन्। प्रतियोगितामा प्रथम हुनेलाई नगद १० हजार पुरस्कार र प्रमाणपत्र, दोस्रो हुनेलाई नगद ७ हजार र प्रमाणपत्र तथा तेस्रो हुनेलाई नगद ५ हजार र प्रमाणपत्र प्रदान गरिने छ ।
निबन्ध बढीमा १५०० शब्दको हुनुपर्नेछ, निबन्ध लेख्ने विद्यार्थीको नाम थर, विद्यालय र कक्षा स्पष्ट लेखिएको हुनुपर्नेछ, निबन्ध विद्यार्थीको हस्तलिखित हुनुपर्नेछ र सम्बन्धित विद्यालयको छाप लगाई प्रमाणित गरी स्क्यान गरी पठाउनु पर्नेछ, निबन्ध अँग्रेजी वा नेपाली मध्ये कुनै एक भाषामा हुनुपर्नेछ, प्रत्येक विद्यालयबाट बढीमा १ जना छात्रा र १ जना छात्रको सहभागिता हुनुपर्नेछ, निबन्ध मिति २०७९/१२/६ गते साँझ ५ बजेसम्म यस कार्यालयको ईमेल ठेगाना pkrnrb [email protected] मा आई पुग्नेगरी पठाउनु पर्नेछ । प्राप्त निबन्धहरु मूल्याङ्कन समितिबाट मूल्याङ्कन गरी नतिजा प्रकाशन गरिने जनाएको छ ।
Nibandha
