काठमाडौं । ओमन्स इन्टरनेशनल मोटरसाइकल एशोसियसन नेपालले १०० गर्लस इन मोटरसाइकलिङ प्रतियोगिता आयोजना गरेको छ । अन्तराष्ट्रिय श्रमिक महिला दिवसको अवसरमा आयोजीत उक्त प्रतियोगितामा ५४ जना राइडर महिलाको सहभागीता रहेको थियो ।
नेपालमा रहेका महिला राइडरलाई प्रोत्साहन गर्न उक्त प्रतियोगिताको आयोजना गरिएको आयोजकले जनाएको छ । साथै पछिल्लो समयमा आयोजना हुने राइडिङमा महिला सहभाभागिता बृद्धि गर्न यस प्रतियोगीताले सहयोग गर्ने आयोजकको विश्वास रहेको छ । महिला दिवसको अवसरमा यस्ता खाले प्रतियोगिताको आयोजना गर्दा समाजमा सकारात्म सोच फैलिने समेत आयोजकले जनाएको छ ।
काठमाडौंको स्वयम्भूदेखि सुरु भएको उक्त राइडिङ नुवाकोटको ककनीमा पुगेर अन्त्य भएको थियो । करिब ३० किलोमिटरको राइडिङमा दुई पाङ्ग्रेसँगै चार पाङ्ग्रे मोटरसाइकलको पनि सहभागिता रहेको थियो ।
इन्स्योरेन्स सपोर्टरको रुपमा रहेको सगरमाथा इन्स्योरेन्सले सहभागी ५४ जनाकै बीमा गरिदिएको आयोजकले जनाएको छ । साथै उक्त प्रतियोगितामा मेघा हस्पिटल, गेट नेपाल, जाभा लगाएत सपोर्टरको रुपमा रहेको थियो ।
