नारी दिवसको अवसरमा सूर्यज्योति लाइफको ‘हामी जताततै’ सन्देशमुलक भिडियो सार्वजनिक

काठमाडौं । सूर्यज्योति लाइफ इन्स्योरेन्स कम्पनीले अन्तराष्ट्रिय महिला दिवसको अवसरमा शुभकामना व्यक्त गरेको छ । कम्पनीले ‘हामी जताततै’ नामक भिडियो सार्वजनिक गर्दै शुभकामना व्यक्त गरेको हो ।

उक्त भिडियोमा हरेक क्षेत्रका लागि महिला सवल र सक्षम छिन् भन्ने सन्देश प्रस्तुत गरिएको छ । सुरक्षा निकाय, सडक तथा घरमा महिला सक्षम छिन् भन्ने सन्देश देखाइएको छ । पछिल्लो समय नेपाली महिलाले हरेक क्षेत्रमा आफूलाई अग्रसर बनाउँदै आएकी छिन् । कार्यालय, शिक्षा, स्वास्थ्य, उद्योग, मैदान, कला, साधना लगाएत गाउँ समाजमा समेत नेपाली नारीले आफूलाई बलियो रुपमा प्रस्तुत गर्दै आइरहेकी छिन् । यसै सन्दर्भलाई समेट्दै महिला माझ थप हौसला प्रदान गर्न कम्पनीले ‘हामी जताततै’ नामक भिडियो सार्वजनिक गर्दै अन्तराष्ट्रिय महिला दिवसको शुभकामना व्यक्त गरेको हो ।