काठमाडौं । अपर तामाकोशी हाइड्रोपावर कम्पनीले शत प्रतिशत हकप्रद शेयर निष्काशनको अनुमतिको लागि नेपाल धितोपत्र बोर्डमा आवेदन दिएको छ । कम्पनीले एक बराबर एकको अनुपातमा १० अर्ब ५९ करोड रुपैयाँको हकप्रद शेयर निष्काशनको योजना बनाएको हो ।
कम्पनीले केहि समय अगाडी विद्युत नियमान आयोगबाट सत प्रतिशत हकप्रद शेयर निष्काशनको अनुमति प्राप्त गरेको थियो । नियमन आयोगको अनुमति सँगै कम्पनीले नेपाल धितोपत्र बोर्डको प्रकृयाँ अगाडी बढाएको हो । धितोपत्र निष्काशन तथा बिक्री प्रवन्धकमा सनराइज क्यापिटल रहेको छ ।
हकप्रद शेयर निष्काशन पछि कम्पनीको चुक्ता पूँजी २२ अर्ब १८ करोड पुग्नेछ । हकप्रद निष्काशन पछि प्राप्त भएको रकमबाट केहि प्रतिशत दीर्घकालिन कर्जा तिर्नका लागि प्रयोग गर्नेछ भने केहि नयाँ आयोजनामा खर्च गर्ने योजना बनाएको छ ।
