काठमाडौं । नेपाल राष्ट्र बैंकले माइक्रोफाइनान्सको लाभांशमा कडाइ गरे पछि आज दोस्रो बजारमा लघुवित्त वित्तीय संस्थाको शेयर मूल्यमा भारि गिरावट आएको छ । यो समाचार तयार पार्दासम्म नेप्से सूचक ३६ अंकले घट्दा लघुवित्तको सूचक भने ६.७३ प्रतिशतले घटेको छ ।
आज कारोबार भएका ५६ वटै लघुवित्तको शेयर मूल्य घटेका छन् । लघुवित्तको सूचक २९० अंकले घटेर ४०२८ अंक कायम भएको छ । नेपाल राष्ट्र बैंकले हिजो बुधबार एकिकृत निर्देशन जारी गर्दै लघुवित्त वित्तीय संस्थालाई १५ प्रतिशत भन्दा बढि लाभांश दिन नपाउने व्यवस्था गरिदिएको छ ।
राष्ट्र बैंकले यस भन्दा अगाडी २० प्रतिशत भन्दा बढी लाभांश दिन नपाउने व्यवस्था गरिदिएको थियो । राष्ट्र बैंकले २० प्रतिशत भन्दा बढी दिन नपाउने व्यवस्था गरे पनि २० प्रतिशत भन्दा बढी लाभांश घोषणा गर्दै नियम अनुसार जगेडा कोषमा पैसा जम्मा गर्ने गरेका थिए । अव १५ प्रतिशतमा झारिदिए पछि कम्पनीहरुले चाहेर पनि धेरै लाभांश दिन पाउने छैनन् ।
