काठमाडौं । स्वावलम्बन लघुवित्त वित्तीय संस्था,ङादी ग्रुप पावर र कर्पोरेट डेभलपमेन्ट बैंकको लाभांश सुरक्षित गर्ने दिन आज अन्तिम दिन रहेको छ । यी तीन कम्पनीले साधारण सभा प्रयोजनको लागि फागुन १० गते बुक क्लोज गर्ने भएका छन् । त्यसकारण फागुन ९ गते ग्याल्पो ल्होसारका अवसरमा सार्वजनिक विदा भएकाले आज सोमवार फागुन ८ गते सम्म कायम शेयरधनीले साधारण सभामा भाग लिन र लाभांश पाउन योग्य हुनेछन् ।
कर्पोरेट डेभलपमेन्ट बैंकले गत आवको मुनाफाबाट शेयरधनीलाई ५ प्रतिशत बोनश शेयर र कर प्रयोजनको लागि शून्य दशमलव २६ प्रतिशत नगद लाभांश वितरण गर्ने प्रस्ताव गरेको हो । यो प्रस्ताव पारितका लागि कम्पनीले फागुन २२ गते वार्षिक साधारण सभा बोलाएको छ । सभा कम्पनीको प्रधान कार्यालय बीरगञ्ज पर्सामा हुने जानकारी कम्पनीले जानकारी दिएको छ ।
त्यस्तै स्वावलम्बन लघुवित्तले गत आवको मुनाफाबाट शेयरधनीलाई १५ प्रतिशत बोनश शेयर र ६ दशमलव ०५२६ प्रतिशत नगद लाभांश (कर सहित) वितरण गर्ने प्रस्ताव गरेको हो । यस प्रस्ताव पारितका लागि कम्पनीले फागुन १९ गते साधारण सभा बोलाएको छ । सभा लैनचौर ब्याक्वेट काठमाडौंमा बिहान १०ः३० बजे शुरु गर्ने कम्पनीले जानकारी दिएको छ ।
त्यसैगरी ङादी ग्रुप पावर कम्पनीले गत आवको मुनाफाबाट शेयरधनीलाई ४ दशमलव ७५ प्रतिशत बोनश शेयर र कर प्रयोजनको लागि शून्य दशमलव २५ प्रतिशत नगद लाभांश वितरण गर्ने प्रस्ताव गरेको हो । यो प्रस्ताव पारितका लागि कम्पनीले फागुन २५ गते साधारण सभा बोलाएको छ । सभा युनियन हाउस अनामनगर काठमाडौंमा बिहान १० बजे शुरु हुने कम्पनीले जनाएको छ ।
