काठमाडौं । बीमा ऐन २०७९ को प्रथम संशोधनको विधेयक प्रतिनिधिसभामा दर्ता भएको छ । सम्पत्ती शुद्धिकरण (मनि लाउण्डरिङ्ग) निवारण तथा व्यावसायिक वातावरण प्रवर्द्धन सम्बन्धी केहि ऐनलाई संशोधन गर्न बनेको विधेयक २०७९ अन्तर्गत बीमा ऐन २०७९ पनि रहेको छ ।
बीमा ऐन २०७९ को दफा ६९ को उपदफा (३) मा रहेको “प्राधिकरण तथा नेपाल राष्ट्र बैंकलाई” भन्ने शब्दहरुको सट्टा “वित्तीय जानकारी इकाईलाई” भन्ने शब्दहरु राखिएका छन् । त्यस्तै दफा ७० अन्तर्गतको व्यवसाथालाई हटाएर ‘७०. बीमाङ्कीय मूल्याङ्कन गराउनु पर्ने’ राखिएको छ । यसको उपदफा (१) मा बीमा व्यवसाय गर्ने बीमकले प्राधिकरणको स्वीकृति लिइ नियुक्त गरेको बीमाङ्कीद्धरा आफ्नो आर्थिक स्थिति, सम्पत्ती, दायित्व तथा वित्तीय स्थितिको मूल्याङ्कन गराउनु पर्नेछ । भनेर थपिएको छ ।
त्यस्तै उपदफा (२) अन्तर्गत ‘उपदफा (१) बमोजिमको बीमाङ्कीले दिएको मूल्याङ्कन प्रतिवेदनको एक प्रति सम्बन्धित बीमकले प्राधिकरण समक्ष पेश गर्नु पर्नेछ ।’ भनिएको छ । त्यस्तै उपदफा (३) बीमाङ्कीय मूल्याङ्कन सम्बन्धी अन्य व्यवस्था तोकिए बमोजिम हुनेछ । भनेर थपिएको छ । बीमा ऐन २०७९ मा धेरै वटा प्राविधिक त्रुटी रहेका छन् । तर अन्य त्रुटीहरु भने विधेयकमा समेटिएका छैनन् ।
