काठमाडौं । हिमालयन डिष्ट्रिलरीको पूँजी बढे अनुसार मुनाफा घट्दा प्रतिशेयर आम्दानीमा भारि गिरावट आएको छ । कम्पनीले चालु आर्थिक वर्षको दोस्रो त्रैमाशिक अवधिमा २९ करोड ४२ लाख रुपैयाँ मुनाफा आर्जन गरेको छ ।
गत वर्षको यहि अवधिको तुलनामा खुद मुनाफा ३६.४१ प्रतिशतले घटेको छ । गत वर्षको यहि अवधिमा ४६ करोड २७ रुपैयाँ मुनाफा थियो । बोनस शेयर मार्फत चुक्ता पूँजी ६० करोड रुपैयाँले बृद्धि भएको छ । हाल चुक्ता पूँजी २ अर्ब ४२ करोड रुपैयाँ छ । जगेडा कोष २३ प्रतिशतले घटेर ५५ करोड ७४ लाख रुपैयाँमा झरेको छ ।
यसरी पूँजी बढे अनुसार मुनाफामा गिरावट आउदा प्रतिशेयर आम्दानी २४ रुपैयाँमा खुम्चिएको छ । गत वर्षको यहि अवधिमा ३८ रुपैयाँ थियो । सञ्चालन मुनाफा पनि १८ प्रतिशतले घटेको छ । समिक्षा अवधिमा कम्पनीले २ अर्ब ७६ करोड रुपैयाँ आम्दानी गरेको छ । गत वर्षको यहि अवधिमा तीन अर्ब ३७ करोड थियो ।
